لاعب زد: الزمالك يستحق لقب الدوري.. ونحاول تطبيق نظام الأهلي
لاعب زد: الزمالك يستحق لقب الدوري.. ونحاول تطبيق نظام الأهلي
قال أحمد طارق، لاعب فريق زد، إن الفريق الكروي الأول بنادي الزمالك، استحق التتويج بلقب الدوري للموسم الكروي 2025-2026.
أحمد طارق الزمالك يستحق لقب الدوري
وأوضح أحمد طارق، في حديثه عبر راديو «أون سبورت أف أم»، أن «نادي الزمالك تعب جدا الموسم ده، وخسارة الكونفدرالية خلتهم يعملوا كل حاجة عشان يكسبوا ماتش سيراميكا كليوباترا، وهما يستحقوا لقب الدوري».
وأضاف: «احنا عندنا في زد سيستم زي النادي الأهلي، معندناش حاجة اسمها نخسر حتى لو ماتش ودي، وكابتن محمد شوقي رسّخ ده في الفريق، ولما بنخسر حتى لو ماتش ودي بنبقى كأننا في مآتم».
أحمد طارق لاعب فريق زد أف سي
أحمد طارق يتحدث عن مستقبله الكروي
وعن مسقبله بالموسم الجديد، قال أحمد طارق: «حصل كلام اليومين اللي فاتوا بين ناديين كبار جدا في مصر ونادي زد، عن انتقالي لأحدهما، والفريقان في مراحل متقدمة وبيخلّصوا، لكن في النهاية هنتقل للفريق الأنسب ليا».
وأكد اللاعب: «أنا مبيفرقش معايا أي حاجة، وقادر على المنافسة مع أي حد، سواء الأهلي أو الزمالك أو بيراميدز، وعامل الجمهور مبيفرقش معايا، وشايف إني هبقى أحسن مدافع في مصر، وخلال شهر واحد بس هكون مع منتخب مصر، والفترة الجاية إن شاء الله هبقى في أحد الأندية الكبيرة جدا بمصر».