أفشة: لو حققت 100 بطولة سأظل صاحب القاضية.. ومكاني بين أساطير الأهلي «توفيق إلهي»
أفشة: لو حققت 100 بطولة سأظل صاحب القاضية.. ومكاني بين أساطير الأهلي «توفيق إلهي»
أعرب محمد مجدي أفشة، صانع ألعاب النادي الأهلي، عن فخره الشديد بالمرتبة التاريخية التي حظي بها داخل القلعة الحمراء، مضيفا: «إن اسمي يتحط في تاريخ النادي الأهلي دي حاجة كبيرة جدا من عند ربنا، إن ربنا يحطك مع الأسامي والأساطير دي حاجة مش سهلة ومش قليلة، وتوفيق ربنا كبير فيها جدًا».
أفشة: «مباراة القاضية مش هتتنسي»
وتطرق نجم المارد الأحمر، إلى هدفه التاريخي الشهير في نهائي القرن الأفريقي، قائلا: «مباراة القاضية مش هتتنسى، أنا خدت 20 بطولة مع الأهلي، لو خدت 100 بطولة وبقيت أكتر لاعب حقق بطولات في تاريخ العالم، هيفضل أفشة صاحب القاضية، وهيفضل ده الماتش والبطولة الأغلى».
وحول التأثير النفسي والمهني لهذا الهدف، وما إذا كان قد شكل ضغطا وسلسلة من المسؤوليات الصعبة عليه، رد أفشة بحسم: «لا، فادني طبعا، حتى لو حصلي دروب في يوم من الأيام عادي، ده بيحصل لأي حد، لكن فادني طبعًا في الثقة والهدوء، وفي إن اسمي بقى بيلمع، والناس كلها بتتكلم عليك، والناس كلها عايزة تشوفك هتعمل إيه في اللي جاي، فطبعا حاجة إيجابية، وفادني مش سلبية خالص».
أفشة يوجه رسالة إلى المنتقدين
واختتم أفشة حديثه بالرد المباشر على منتقديه الذين يرددون نغمة اكتفائه بتلك اللقطة التاريخية بقوله: «والناس اللي بتقول عايش على القاضية، أنا لحد القاضية كل اللي كنت سجلته مع الأهلي حوالي 10 أهداف، الناس تراجع وتشوف سجلت كام جول بعدها».