صابرين تكشف عن سبب خلع الحجاب

كشفت الفنانة صابرين عن سبب اتخاذها قرار خلع الحجاب، مؤكدة أن قراري ارتداء وخلع الحجاب كانا من أصعب قرارات حياتها، مضيفة: “مكنش المفروض أعمل كده أو كده غير في التوقيت الصح اللي كان المفروض أبقى شايفاه صح”.

قالت “صابرين” خلال حوراها مع الإعلامية أسما إبراهيم في حلقة مساء الخميس من برنامج “حبر سري” المذاع عبر شاشة “القاهرة والناس”، إنها قررت خلح الحجاب لأنها رأت أنها تفعل العديد من الأشياء وهي لا تصدقها، مؤكدة أنها يجب أن تؤمن بما تقوم به حتى وأن كان خطأً، حتى تستطيع تحمل نتائجه وعواقبه وحدها.

تابعت: ” حسيت إن أنا بعمل حاجات مش مصدقاها، وأنا عمري ما أعمل حاجة إلا وأنا مؤمنة بها أوي حتى لو هتحدى العالم وكان قرار غلط، المهم أكون مؤمنة باللي بعمله عشان أتحمل نتيجته لوحدي”.

وعن سبب خلعها للحجاب، قالت: “حسيت إن إيه اللي أنا بعمله ده وأن صاحب بالين كداب وحاجات كتير مكنتش راضية فيها عن نفسي ومقدرتش أقاوم وأكمل.. وحسيت إن يا كده يا كده مفيهاش هزار.. ولما يجي وقتها ربنا كريم”.