لميس الحديدي تنتقد انتشار المسلسلات الشعبية في الموسم الرمضاني

انتقدت الإعلامية لميس الحديدي اجتياح المسلسلات الشعبية (العشوائية) للموسم الرمضاني هذا العام، مشيرةً إلى أنها رغم تحقيقها نسب مشاهدة عالية ونجاحًا كبيرًا، إلا أنها تفتقر إلى التوازن في تقديم الواقع.

قالت لميس عبر حسابها على موقع التواصل الاجتماعي “فيس بوك”: “المسلسلات الشعبية (العشوائية) اجتاحت الموسم الرمضاني هذا العام.. وربما تكون من الأكثر نجاحًا والأكثر مشاهدة.. الممثلين هايلين ونجوم، ومشاهد العنف متقنة وكل حاجة. أنا بس عندي سؤال: هو ليه كلها ردح وزعيق ولوى بوز وألفاظ عجيبة؟ وليه بيخلوا الممثلين يتكلموا كده؟ “التضجين” المط في الكلام.. دي العامية المصرية أحلى لهجة، ليه بنحولها لعشوائية ونمحو ملامحها؟”.

نرشح لك: شوبير: “الحضري” ينقصه الثقافة.. والأخير يرد بغضب: “مثل حي للتلون”

أضافت: “فيه فرق بين فن الواقع اللي كان يترأس مدرسته الأستاذ المخرج صلاح أبو سيف وبين اللي إحنا بنشوفه.. أكيد فيه طبعًا فئات بتتكلم كده نتيجة انهيار التعليم واجتياح اقتصاد التوك توك اللي عاث في حاراتنا وعقولنا فسادًا.. لكن إحنا ليه بنرسخ الأسوأ؟”.

تابعت: “بنعلم الأجيال اللي بتتفرج على المسلسلات دي إيه؟ واللي بيحبوا الفنانين دول إيه؟ يتكلموا بنفس الطريقة؟ الممثل الأشطر هو اللي “بيطجن”، والممثلة الأفضل هي اللي بتلوى بوزها و”تتشدق” اللبانة!”.

اختتمت: “طبعًا ده مش معناه إن النموذج الصح هو “فن الكمباوندات”، لأن ده برضه لا يمثل المجتمع. لكن فيه ناس عادية عايشين في مصر – وهم الأكثر – الفن تأثير.. حذارِ من التأثير في الاتجاه الخاطئ… نجاح مسلسل لن يعوض الثمن اللي بندفعه لسنوات طويلة”.