كل التوقعات بتقول أن الجنية المصري هيكون اقوي السنة الحالية قدام الدولار.. ياتري اية سر التوقعات دي.. واية الاسباب اللي هتخلي الجنية اقوي في السنة دي.علي مدار اكثر من 15 شهر فاتوا الاقتصاد المصري عاني فيهم اشد معاناة بسبب التوترات الجيوسياسية اللي موجودة في الشرق الاوسط، واللي لها انعكاسات مباشرة علي عدد كبير من القطاعات الاقتصادية المصرية المختلفة زي الصناعة والسياحة والتجارة وعدد كبير من باقي القطاعات الاقتصادية في مصر.المعاناة والمشاكل اللي واجهت الاقتصاد المصري علي مدار الفترة اللي فاتت اثرت بنسبة كبيرة علي قوة الجنية المصري قدام العملات الأجنبية، وكانت بسبب كبير في تراجع ترتبيه علي الرغم من الالتزام الدولي اللي قامت بيه الحكومة لسداد التزاماتها الدولية ، ولولا التحركات الحكومية اللي قامت بيها الدولة خصوصا في توقيع صفقة الاستثمار السياحي في راس الحكمة واللي دخلت لمصر 35 مليار دولار كاستثمارات مباشرة للاقتصاد الوطني لكان الوضع الاقتصادي اصعب من كده بكتير.طيب اية سر التوقعات بقوة الجنيه المصري خلال 2025 عن السنين اللي فاتت؟.في اكثر من علامة بتأكد ان الجنيهة المصري هيكون اقوي من كل السنين اللي فاتت اولها هيا عودة الهدوء النسبي لمنطقة الشرق الأوسط وده هيؤدي لعودة عدد كبير من مصادر مصر الدولارية وابرزها واهمها قناة السويس واللي بتعد بأنها اهم واكبر ممر ملاحي علي مستوي العالم، واللي بسبب التوترات والتغيرات الجيوسياسية خسرت أكثر من 70% من ايراداتها بسبب الضربات اللي قامت بيها بعض القوي المتصارعة علي السفن التجارية وقت عبور للملاحة في البحر الاحمر في طريقها لقناة السويس للوصول الي وجهتها النهائية في قارة أوروبا.زيادة الأيرادات الدولارية لقناة السويس هيساهم بنسبة كبيرة في استقرار الاقتصاد الوطني وازمات نقص العملات الأجنبية وعدم توافرها هتنتهي بنسبة كبيرة جدا، خصوصا أن اغلب ازمات مصر الاقتصادية خلال الفترة اللي فاتت كان البطل فيها هو نقص العملات الأجنبية في البنوك الوطنية واللي كان السبب فيها هو ضعف ايرادات عدد كبير من الدخل الدولاري لمصر من الخارج.تاني سبب لعودة قوة الجنية المصري هيكون التحركات الكبيرة اللي بتقوم بيها الحكومة لجذب رؤوس الأموال الأجنبية والاستثمارات للسوق المصري، ودي هتؤدي الي انخفاض فاتورة مصر الاستيرادية واللي بتكون بالدولار وزيادة الفاتورة التصديرية خصوصا أن المنتج المحلي عندها هيزيد وهيكون في فائض للتصدير، وبالتالي برضوا الضغط علي الدولار اللاوم لعمليات الاستيراد هيقل جدا وبالتالي هتتوافر سيولة دولارية في البنوك الوطنية ودي هيدي قوة اضافية للاقتصاد المصري.ثالث سبب لعودة قوة الجنية المصري، هيا الزيادة الكبيرة اللي الحكومة بتستهدف تحقيقها في حركة السياحة الوافدة لمصر خصوصا بعد الارقام الكبيرة اللي حققها القطاع في 2024 واللي وصلت لـ15.7 مليون سائح وتحقيق اكثر من 15 مليار كايرادات للقطاع، والدولة كانت مستهدفة تحقيق ارقام اكبر من كده ولكن التوترات الجيوسياسية كانت السبب الاساسي في عدم الوصول اليها .
هيرجع ينافس بقوة.. 3 أسباب لعودة قوة الجنيه المصري في 2025
