من كرم ربنا عليا إن أنغام اللي غنت تيجي نسيب.. وشخصية آية سماحة في الكابتن حلم كل شاب مصري

الأربعاء 12/مارس/2025 – 11:16 ص

تحدث الفنان أكرم حسني عن تفاصيل تعاونه مع الفنانة أنغام في أغنية تيجي نسيب، بجانب حديثه عن مسلسله الجديد الكابتن الذي يعرض حاليًا في السباق الرمضاني 2025.وقال أكرم حسني في تصريحات تليفزيونية: من كرم ربنا عليا إن أنغام اللي غنتها، ويمكن لو حد تاني غير أنغام اللي عمل الأغنية مكنتش هتوصل بالمشاعر دي، الوطن العربي كله بيحب أنغام واستغربت إزاي الجمهور حفظ الـ 12 أغنية بتوع الألبوم في 20 يوم.وأضاف: ربنا اللي بيلهم الواحد، وبشكر ربنا على الملكة اللي مديهالي ومكنتش مكتشف أني عندي الجانب الدرامي في كتابة الأغاني، وزي ما بيطلع مني كلام يعمل أغنية دمها خفيف طلع مني أغنية زي تيجي نسيب.وعن مسلسله الجديد الكابتن، أردف أكرم حسني: بنقعد نشتغل وفريق عمل كامل علشان كل رمضان نقدم عمل يحترم عقلية الجمهور ويكون فيه معنى اللي عايز يلقطها يعمل كده.واختتم أكرم تصريحاته: عندنا مواهب نسائية مختلفة جدًا، ولكن فكرة الكوميديا سواء للراجل أو الست أصعب، وآية سماحة خطيرة وعارفة توقيت الإفيه، ورحمة أحمد بتضحك ببساطة، وأنا شايف إن الشخصية اللي بتقدمها آية سماحة في مسلسل الكابتن هي حلم كل شاب مصري، عفوية وتلقائية ودمها خفيف.مسلسل الكابتنومسلسل الكابتن بطولة أكرم حسني، آية سماحة، سوسن بدر، أحمد عبد الوهاب، محمد رضوان، رحمة أحمد، أحمد الرافعي، عزة لبيب، عمر شرقي، وئام مجدي، مؤمن نور، ميمي جمال، وغيرهم.