الجمعة 14/مارس/2025 – 07:30 م
كشف الفنان محمد رمضان، عن عمليات نصب عدة، تعرض لها عدد من الجمهور بـ اسم برنامج مدفع رمضان. وقال محمد رمضان خلال حلقته ببرنامج مدفع رمضان: بشوف فيديوهات على تيك توك بتخليني أشك في نفسي، ناس بتطلب أرقام الحسابات البنكية منكم، وبأكد أننا مش بنطلب ده وبنتواصل عن طريق الرقم ومدينة الإنتاج الإعلامي فقط، وبنستأذن الفائز نطلع رقمه على التليفزيون ولا لأ.برنامج مدفع رمضان وعرضت حلقة اليوم الجمعة، من برنامج مدفع رمضان، تقديم الفنان محمد رمضان، وكسّب خلال الحلقة عدد من الفائزين، وبدأ الحلقة قائلًا: التقليد في الخير حلو مش وحش، واللي يقلدنا في الخير بنقوله شكرا ويا رب يكتر من أمثالكم، ويا رب نفضل نتقلد في الخير بس.وتابع محمد رمضان: أنا مبسوط إن أول موسم من مدفع رمضان الناس حوالينا بدأوا يقلدونا ويعملوا مسابقات، علشان إحنا من غير الناس منسواش وبنشتغل عشان نسعدهم. كما تقابل محمد رمضان مع رجل كبير في السن، وأهداه جائزة 100 ألف جنيه، عندما كان يعمل ويحمل شوالا ضخما، وقال له رمضان: أنا شاب ومش قادر أشيل الشوال، متشيلش تاني يا حاج وأركب تاكسي وروّح.