محمد رمضان يكشف عن عمليات نصب باسم برنامجه: الناس بتطلب الحسابات البنكية

السبت 15/مارس/2025 – 12:06 م
3/15/2025 12:06:39 PM

كشف الفنان محمد رمضان عن عمليات نصب جديدة تعرض لها عدد كبير من الجمهور، بـ اسم برنامج مدفع رمضان.وقال محمد رمضان خلال حلقته في برنامج مدفع رمضان: بشوف فيديوهات على تيك توك بتخليني أشك في نفسي، ناس بتطلب أرقام الحسابات البنكية منكم، وبأكد إننا مش بنطلب ده وبنتواصل عن طريق الرقم ومدينة الإنتاج الإعلامي فقط، وبنستأذن الفائز نطلع رقمه على التليفزيون ولا لأ.وخلال حلقة برنامج مدفع رمضان أمس الجمعة، بدأ محمد رمضان حلقته قائلا: التقليد في الخير حلو مش وحش، واللي يقلدنا في الخير بنقوله شكرا ويا رب يكتر من أمثالكم، ويا رب نفضل نتقلد في الخير بس.وأضاف محمد رمضان: أنا مبسوط إن أول موسم من مدفع رمضان الناس حوالينا بدأوا يقلدونا ويعملوا مسابقات، علشان إحنا من غير الناس منسواش وبنشتغل عشان نسعدهم.وخلال حلقة أمس تقابل محمد رمضان مع رجل كبير في السن وأهداه مبلغ 100 ألف جنيه، عندما كان يعمل ويحمل شوالا ضخما، وطلب منه رمضان أن يذهب إلى منزله ولا يحمل هذا الشوال مرة أخرى لثقل حجمه.