أغنية “محدش هيحصلنا” لـ عمر الكروان ودودج

طرح مطرب المهرجانات عمر الكروان ودودج الأغنية الدعائية لمسلسل “حسبة عمري” بطولة الفنانة روجينا، تحت اسم “محدش هيحصلنا” عبر القناة الرسمية للمنتج سلطان الشن على موقع “يوتيوب”.

أغنية “محدش يحصلنا” غناء عمر الكروان ودودج، وكلمات أحمد الجوكر ودودج، توزيع وألحان ومكس وماستر رامي المصري.

نرشح لك: كلمات أغنية “ألف مرة” لـ أحمد سعد من “كامل العدد ++”

وجاءت كلمات أغنية “محدش يحصلنا” على النحو الآتي:

سيبو اللي في ايديكوا خمسه

العصابه داخله

عاملين ليكو قلق احنا جينا هنولعها

سقفه عايز دوشه

اي حاجه متقفله احنا معانا مفتاحها

علي الاستيدچ yeah في ايدي المايك ياه

داخل بتمخطر اكني راكب bike

كله hide ياه كله hype اه

نازل عليكوا من فوق ب skydive

نار نار لما نيجي بنولعها نار

نار نار لما نيجي بندوس على الزرار

دخول يخض ابطال بجد

الدنيا بينا ولعانة

نلعب نقش مابنعتمدش

مافي حد ياكل معانا

نيجي نقلبها احنا نخربها

والشغلة بينا خلصانة

سابقين زماننا خمسة علينا

من عينيكوا اللى حاسدانا

احنا اسامي ثقيله

لو وزنتها تشيلك

مش شايفنلها كبير ياه

كلها اتلعب بيها

ماشي و عينك فيها

اللهم نجينا

مستني و مبتجيش ياه

ماشي تحايل فيها

صاحبي احنا نرميها تلف و تخبط فينا كارما

بيحوموا و يبرموا احنا نجبها من اول مره

صاحبي ميشغلنيش منتحطش في المقارنه

قولي ازاي عاملين اشباح و انتو بتخافوا الظلمه

نار نار لما نيجي بنولعها نار

نار نار لما نيجي بندوس على الزرار

ماسكين طريقنا بالبورش سوقنا

وسابقنا كله ووصلنا

فايزين عليكوا طايرين فوقيكوا

ولا حد هيحصلنا

في ما بينا فرق غرب وشرق

محسومه مفيش مقارنة

لو جيتوا مالتي نكسبها فردي

براحتنا ناخد قرارنا

القلب واحد ياه و الرب واحد

مفيش مقارنه بينا خالص احنا رقم

معروف مين الاول احنا بنجيب من الاخر

كلها قدامي بتختفي اكني ساحر

سيبو اللي في اديكوا خمسه الكلام ده ليك

لما نيجي بنولعها الكلام اكيد

مفيش شبهنا الشبه بعيد

‏Alpha و مش هتلاقوا غيري لا مفيش شبيه

مسلسل “حسبة عمرى” من بطولة الفنانة روجينا ومحمد رضوان وعمرو عبد الجليل وإسلام إبراهيم وعلي الطيب ومحمود البزاوي، وعدد من الفنانين.

المسلسل مكون من 15 حلقة، وهو من تأليف محمود عزت وإخراج مي ممدوح، وتدور أحداثه في إطار اجتماعي لايت، يغلب عليه طابع الإثارة والتشويق.

ويناقش المسلسل قضايا المرأة من خلال تسليط الضوء على وقوع خلافات بين روجينا التى تجسد شخصية “سوسن”، وزوجها عمرو عبد الجليل الذى يقوم بشخصية “فاروق”، بعد زواج دام لأكثر من 20 عامًا، ما يجعلها تقضي ليلة كاملة في الشارع بعد أن يطردها من بيت الزوجية.

ومع تصاعد الأحداث تقرر “سوسن” المطالبة بحق “الكد والسعاية” من أجل أن يكون لها النصف في كل ممتلكات زوجها بعد طلاقهما، ليدخلا معا في صراع طويل ويحاول كل منهما إزعاج الآخر بشتى الطرق.