كلمات أغنية “ظل حيطة” لـ جنات

طرحت الفنانة جنات أغنية “ظل حيطة” التي جاءت من مسلسل “الأميرة – ظل حيطة” للفنانة ياسمين صبري ونيقولا معوض.

“ظل حيطة” من كلمات حسام الطنطاوي، وألحان وتوزيع معتز أمين، وجاءت الكلمات كالتالي:

زمان شافني هدف مش سهل يوصله

حلم بيا وعاش يتمني أقربله

ومن إلحاحه خلاني أفكر ليه ماكونش معاه

بدأ يحتل وجداني بدأت أحسه أستناه

وأتاري الكذب فيه غيه

عايزني جنبه ملغية

سرق مني حياتي عشان يعوض نقصه بأذية

وبان وشه اللي كان خباه وبان كل اللي مش حباه

ورحمة كل شيء قتله لأدوق قلبه طعم أساه

ده ضل الحيطة ولا ضله ما شفتش منه غير غله

أنا اللي شافني نجم بعيد لا يمكن يوم هينزله

صحيح في حد تآمن له ويتفرعن وتغفرله

فيستكبر كما إبليس ونفس الكبر ده يذله

زي ثعبان بخ سمه، قال عاشقني وقال بهمه

ولما صدقت اللي قاله اتحبست في سجن كبره

قال في حبي مين ينافسه

اللي ماعشقش إلا نفسه

والحقيقة اللي استخبت.. الحقيقة اللي استخبت.. الحقيقة اللي استخبت إن هو الشر نفسه

وأتاري الكذب فيه غية

عايزني جنبه ملغية

سرق مني حياتي عشان

يعوض نقصه بأذية

وبان وشه اللي كان خباه

وبان كل اللي مش حباه

ورحمة كل شيء قتله

لأدوق قلبه طعم أساه

ده ضل حيطة ولا ضله

ماشفتوش منه غير غله

أنا اللي شافني نجم بعيد

لا يمكن يوم هينزله

صحيح في حد تآمن له ويتفرعن وتغفرله

فيستكبر كما ابليس ونفس الكبر ده يذله

مسلسل “الأميرة – ظل حيطة” ينتمي لنوعية أعمال الـ 15 حلقة، ويعرض ضمن مسلسلات رمضان 2025، ويشارك في بطولته إلى جانب ياسمين صبري كل من: نيقولا معوض، وفاء عامر، نضال الشافعي، هالة فاخر، مها نصار، هند عبد الحليم، سمر مرسي، أحمد جمال سعيد، هاجر عفيفي، عزت زين، محمد العمروسي، محمد دسوقي وعدد آخر من الفنانين.

وتتواجد ياسمين صبري في موسم دراما رمضان للعام الثاني بعدما قدمت في رمضان الماضي مسلسل “رحيل”، وظهرت من خلاله شخصية تحمل اسم العمل حيث تنقلب حياتها رأساً على عقب بعد اتهامها في إحدى القضايا والتي تدخلها السجن، وشارك في بطولة العمل كل من: أحمد صلاح حسني، محمد كيلاني، أحمد بدير، مي القاضي، عارفة عبد الرسول، عزت زين، هاجر الشرنوبي، أحمد صيام، ليلى حسين، لبنى ونس، تأليف محمد عبد المعطي وإخراج محمد عبد السلام.