وجهت الدكتورة أميرة حسن القائم بأعمال مدير مركز تدريب صحة المرأة بالجيزة نصائح لتجنب نقص فيتامين د وهذا نصها :” “فيتامين د”
فيتامين د هو أحد العناصر الغذائية اللي بيحتاجها الجسم لبناء العظام و الحفاظ عليها حيث وُجِد إنه لا يمكن للجسم امتصاص الكالسيوم إلا في وجود ڤيتامين د، و له خصائص مضادة للالتهاب و الأكسدة و له دور في الحفاظ على سلامة الأعصاب و الجهاز المناعي و وظائف العضلات و نشاط خلايا المخ، حقيقي فيتامين مهم جدا.
طب إيه اللي ممكن يحصل لو فيتامين د قل في الجسم؟
نقص فيتامين دي بيؤدي لمشاكل في العظام أولا؛ زي لين العظام أو هشاشة العظام أو إنه يسبب كساح للأطفال، و ثانيا، مشاكل تانية كتير بنلاقيها في المناعة و التركيز و اضطرابات في النوم و اضطرابات في حركة الأمعاء و العضلات و إرهاق عام….إلخ، عشان كدة لازم نحافظ على مستوى فيتامين د في الجسم.
من أهم مصادر فيتامين د هى الشمس؛ يتم امتصاص فيتامين د من الشمس عن طريق الجلد و أفضل وقت للتعرض للشمس هو الصبح بدري (من ٧ أو ٨ صباحا إلى ١١ صباحا) أو العصر من (٣ و نص عصرا إلى وقت المغرب) و الأفضل تجنب فترة الظهر اللي بينهم بسبب خطر الأشعة فوق البنفسجية على الجلد…الشمس فعلا هى أفضل مصدر لكن مع التقدم و شكل المعمار و البيوت حاليا بيوت كتير اتحرمت من الشمس فلجأ الأطباء لتوعية الأهل بضرورة إعطاء الطفل حديث الولادة فيتامين د في شكل نقط بياخدها بالفم تعادل ٤٠٠ وحدة دولية يوميا لحد عمر السنة، و ٦٠٠ وحدة دولية بعد السنة كجرعة وقائية تحميه من نقص فيتامين د و كتير من الأطباء بينصحوا بإستمرار الجرعة الوقائية دي لحد عمر الخمس سنين.
طب هل فيه مصادر تانية ممكن ناخد عن طريقها فيتامين د بجانب الشمس؟
طبعا، فيتامين د موجود في بعض الأغذية زي اللبن و الأسماك الدهنية زي السالمون و الماكريل و السردين، موجود أيضا في خضروات زي السبانخ و البروكلي و البطاطا و القرع ، و فواكه زي البرتقال و الموز.
بالنسبة لأقراص أو حقن الفيتامين د الموجودة في الصيدليات هل أي حد ينفع ياخدها؟
لأ، الصح إن أي دواء حتى لو فيتامين ماينفعش ناخده من غير استشارة الطبيب المختص لأن الطبيب مش هيكتبه إلا بناءا على فحص و تحليل بيتقاس بيه مستوى فيتامين د في الدم، و لو لقى فيه نقص بيكتب النوع المناسب للحالة فترة محددة مع تعليمات و متابعة و تحليل تاني بيشوف بيه مستوى فيتامين د بعد العلاج وصل لكام، و بيتابع برضو احتمالية حدوث آثار جانبية للعلاج.
و لأن الوقاية خير من العلاج ينصح الأطباء الأهالي دائما بضرورة الالتزام بتعريض الأطفال للشمس في الأوقات الآمنة اللي قلنا عليها، و الالتزام بجرعة الوقاية اللي بيدوها للأطفال من عمر يوم، و بالتغذية السليمة و متابعة الأطفال و ضرورة عمل تحليل قياس فيتامين د بالذات في فترة المدرسة اللي بيكون الطفل فيها مش بياخد جرعات وقائية و للكبار كمان ينصح بالاهتمام بعمل التحليل كجزء من المتابعة للحالة الصحية.
إنشاء مركز عالمي لتصنيع الحواسيب والخوادم تحت علامة «صُنع في السعودية»
بعد 6 شهور.. سعد الصغير يروي تجربته في السجن
على إسرائيل إنهاء منع وصول المساعدات والكهرباء لغزة
كيف ستتم إجراءات قرعة ربع نهائي دوري النخبة الآسيوي الاثنين المقبل؟
✓ بورصة الدار البيضاء تستهل تداولاتها بأداء إيجابي
عدوان إسرائيل بالضفة.. نازحون فلسطينيون يفتقدون أجواء رمضان
دومفريس خارج تشكيلة هولندا... وشكوك حول مشاركة دي يونغ
اليقطين يخفض مستوى الكوليسترول | المرأة والصحة
رجل مباراة الأهلي وطلائع الجيش في الدوري المصري
بنك إنجلترا أمام قرار حاسم.. هل يثبت الفائدة أم يفاجئ الأسواق ؟ - أخبار السعودية
"أم كلثوم".. خمسون عاما على رحيل كوكب الشرق وما زال صوتها حيا