أبرزها عن الزواج وبدايته في التمثيل.. 8 تصريحات لـ حمادة هلال

حل الفنان حمادة هلال ضيفًا على برنامج “ضيفي مع معتز الدمرداش” المُذاع عبر شاشة “الشرق”، ويقدمه الإعلامي معتز الدمرداش.

تحدث “هلال” خلال الحلقة عن الزواج في سن مبكر، وبدايته في التمثيل، وطقوسه في شهر رمضان، وكواليس أغنية “محمد نبينا”. وفيما يلي أبرز تصريحاته:

. وُلِدتُ في إحدى قرى محافظة الشرقية، وعشت في الزاوية الحمراء، وهي منطقتي التي أعتز بها وأصدقائي الذين أعشقهم، وما زلنا نلتقي حتى يومنا هذا، وفي رمضان الماضي اجتمعنا معًا على مائدة الإفطار.

– خرجت من الأغاني الحزينة لما حسيت إني أذيت الناس جدا بجرعة الدراما والحزن.. كانوا بيقولوا ليّ هو أنت هتفضل حزين؟ فـ عملت “مش هقول” و”مسطول” ونجحوا.. في ناس ما بتحبش اللون ده، وكانت عايشة معاك في الدرما.. فقولت خليني رايح جاي.

– الجواز بدري أحلى خطفة.. وأحسن بكتير، ده مكنش طموحي، وأول ما قابلت مراتي قولت لأهلها الخطوبة هتكون 5 أو 6 سنين عشان عندي مستقبل، وهي كانت لسه مخلصة ثانوي وداخلة الجامعة، لكن بعدها بـ6 شهور اتجوزنا.

– كان من المفترض أن يكون فيلم “حلم العمر” أول أعمالي السينمائية، حيث أخبرني المخرج وائل إحسان أننا سنبدأ به، لكن بتدبير من الله، لم يكن هذا الفيلم هو أول أعمالي، لأنه كان سيشكل صدمة للجمهور، فكيف لمطرب أن يصبح ملاكمًا؟ المخرج مجدي الهواري كان لديه بطل لفيلم “عيال حبيبة”، لكن هذا البطل اختاره وائل إحسان لفيلم آخر، مما دفعهم لاختياري لبطولة “عيال حبيبة”، وبفضل الله، حقق الفيلم نجاحًا غير عادي.
نرشح لك: شاهد.. كليب “عيونه هتدمع” لـ بوسي من مسلسل “إش إش”

– وعن موقفه من دخول نجله مجال التمثيل؟ قال: “نفس اللي أبويا ربانا بيه أنا هربي ولادي بيه بمعنى لو حابب حاجة كمل فيها، بس ليها أصول وطريقة، لو عايز تمثيل خد من خبرتي شوية، لكن أنا مش رافض المبدأ.

– أشجع الأهلي وأغني دائما له في إعلان دعائي لشركة من شركات الاتصالات، وأحب كرة القدم جدا وأعشق جيل “عملوها الرجالة”.

– وعن طقوسه في رمضان قال: “زمان كان بالنسبة لي شهر رمضان هو الطفولة، في منطقتي كان أهم حاجة نلم فلوس الزينة من الجيران، وكان فيه بيت مسيحي هو عيلتنا اللي اتربينا معاهم وكانوا أكتر ناس يدفعوا فلوس، وكانوا بيفطروا معانا، رمضان في المناطق الشعبية موضوع تاني خالص”.

– كنت بتمنى أعمل أغنية لسيدنا النبي، وتترجم لجميع اللغات، وربنا كرمني بأغنية محمد نبينا، واترجمت للغات كتير، أغنية لسيدنا النبي ربنا يقبلها مننا.. كوبليه “أول يوم في عمري سمعت أبويا وأمي بيصلوا عليه” ألفته جوا الروضة الشريفة، وأيمن بهجت قمر قال مش هغيره.