استثمارات جديدة وتعاون غير مسبوق.. شوف الوفد الوزاري المصري بيعمل إيه في البحرين؟

الفترة دي مصر بتستهدف استثمارات اجنبية من كل دول العالم والمرة دي الاستثمارات اللي هتدخل مصر هتكون من البحرين.. ياتري اية حكاية الاستثمارات دي.. واية المجالات اللي هتكون فيها. علي مدار الشهور اللي فاتت الحكومة استهدفت جذب استثمارات كتيرة من دول العالم في كل المجالات، والحكومة قدمت كل التسهيلات المتاحة لدخول السوق المصري سواء كان من خلال تخصيص الاراضي ده غير التسهيلات الكبيرة في اجراءات الحصول علي التراخيص اللازمة للبناء والتشغيل من خلال منح الرخصة الذهبية واللي بتكون عبارة عن موافقة واحدة للتشغيل والبناء وبتكون مش محتاجة لإي موافقات تانية للتشغيل، ده غير التحفيزات اللي بتقدمها الحكومة لتوصيل وتمهيد البنية التحتية للمشروعات والمصانع الجديدة اللي هتتبني علي أرض مصر.طيب اية حكاية الاستثمارات البحرينية الجديدة، وهتكون في مجالات اية؟.حاليا في وفد وزاري بضم وزير المالية أحمد كجوك ووزيرة التخطيط رانيا المشاط، موجودين في البحرين للمشاركة في اجتماع اللجنة الحكومية المصرية البحرينية للتعاون الاقتصادي والتجاري لبحث زيادة معدلات الاستثمار والتجارة والسياحة والعمل المشترك في القطاعات المالية والتكنولوجية والمناطق الاقتصادية الخاصة. مناقشات الوفد الوزاري المصري مع المسئولين في حكومة البحرين تضمت التوصل إلى اتفاقات للعمل المشترك على الصعيد الاقتصادي مع فتح آفاق جديدة واقتراح مجالات مستجدة ومتواكبة للتغيرات المتسارعة اللي بتحصل في العالم، ده غير بحث معدلات زيادة لتبادل التجاري بين البلدين .الوفد الوزاري المصر خلال المناقشات عرض ملامح التجربة المصرية في الإصلاح الاقتصادي بمراحله المالية والهيكلية، واللي قايمة علي برنامج طموح وناجح لإنشاء بنية أساسية وتنمية عمرانية غير مسبوقة، ده غير كمان خطة الدولة للتوسع في إنشاء المشروعات القومية العملاقة واللي تضمنت إنشاء مناطق ومجمعات صناعية وزراعية، ومجتمعات عمرانية حديثة، وإنشاء العديد من مدن الجيل الرابع، والعلاقات اللي قدرت الدولة المصرية تعملها مع  مؤسسات التمويل الدولية للبدء في عمل اصلاح اقتصادي في كل المستويات.الوفد الوزاري المصري، عرض كمان قدم المسئولين بدولة البحرين الفرص الاستثمارية المتاحة حاليا قدام الشركات ورؤوس الاموال الاجنبية والتسهيلات اللي قدمتها الحكومة المصرية لدخول الاستثمارات الاجنبية سواء كانت المتعلقة بتسهيلات الحصول علي الاراضي لاقامة المشروعات أو اجراءات الحصول علي التراخيض أو اجراءات تسهيلات وتاجيلات دفع الضرائب وغيرها من التسهيلات الكبيرة اللي بتقدمها الحكومة لتسهيل الاستثمار في مصر.