اوعي تكون منهم.. شروط تهدد بسحب شقق الإسكان الاجتماعي من الفائزين

شقق الإسكان الاجتماعي واحدة من الخدمات اللي بتقدمها الحكومة للمواطنين.. لكن في لحظة ممكن الشقة دي تروح منك لشوية اسباب كتيرة.. ياتري اية هيا الاسباب دي وازاي اقدر احافظ علي شقتي في مشاريع الاسكان الاجتماعي.مصر في الوقت الحالي بتعاني من فقاعة عقارية كبيرة في اسعار العقارات، واغلب اسعار العقارات المعروضة للبيع في مصر اعلي بكتير من اسعارها الحقيقية، والاسعار دي عملت أزمة في سوق العقارات في مصر وبقي في ضعف إقبال شديد علي شراء العقار، وعلشان الدولة ممثلة في وزارة الإسكان والمجتمعات العمرانية تحل الازمة دي فتم طرح عدد كبير من المشروعات والأراضي قدام المواطنينن كنوع من المبادرات الحكومية لحل أزمة الأسكان في مصر.في الفترة اللي فاتت الحكومة أعلنت عن اكثر من مشروع لحل أزمة الإسكان في مصر منهم مشروعات الإسكان الفاخر واللي متمثل في مشروعات سكن مصر ودار مصر ومشروعات جنة، ودي فئات خاصة بالفئات الأعلي دخلا، وكمان طرحت مشروعات خاصة للفئات محدودة ومتوسطة الدخل متمثل في مشروعات المبادرة الرئاسية سكن كل المصريين 5، واللي شهدت اقبال كبير جدا من المواطنين لحجز شقق الإسكان الاجتماعي، ووصل عدد الناس اللي سحبوا كراسات الشروط من مكاتب البريد لـ 762 ألف مواطن، سدد منهم 589 ألف مواطن مقدمات جدية الحجز واللي وصلت لـ30 الف لحجز الشقق السكنية في المدن و 20 الف لحجز الشقق السكنية في المحافظات، وسجل منهم علي الموقع الإسكان لصندوق الإسكان ورفعوا الأوراق والمستندات المطلوبة منهم 571 ألف مواطن. علي الرغم من كل الجهود اللي بتعملها الدولة لتوفير السكن لكل المواطنين خصوصا الفئات محدودة ومتوسطة الدخل، ولكن بروضوا الدولة حددت شوية شروط ممكن تكون السبب في سحب شقق الإسكان الأجتماعي من الفائزين أول الشروط دي هيا أن المواطن يتوقف عن دفع دفعات السداد الخاصة بالوحدة السكنية خلال فترة السداد، وتاني حاجة هيا امتناع او تاخر المواطن عن الذهاب للتعاقد أو استلام الوحدة خلال الوقت المحدد.الشروط اللي حددتها الدولة واللي بتهدد بسحب شقق الاسكان الاجتماعي من المواطنين بتشمل السحب في حالة قيام المواطن بتأجيرها أو التنازل عنها دون أي موافقة كتابية من هيئة المجتمعات العمرانية الجديدة، أو وجود أي تزوير في أي ورقة من المستندات اللي المواطن قدمها وقت التقديم للحصول على الوحدات.الدولة أكدت كمان أن محددات سحب شقق الاسكان الاجتماعي بتتضمن سحب الوحداتن في حالة استخدامها لغير الغرض السكني أو في حالة تقديم طلب من صاحب الوحدة بالتنازل عنها.