في مبلغ ضخم دخل مصر في 2024 ممكن يغير شكل الاقتصاد تمامًا.. مبلغ مش من قرض ولا استثمار خارجي.. لكنه جاي من المصريين اللي عايشين بره.. عارف كام الرقم؟ 29.6 مليار دولار.. أيوه تحويلات المصريين زادت بنسبة 51% مقارنة بالسنة اللي فاتت.. السؤال هنا.. ليه المصريين رجعوا يحولوا فلوسهم تاني بعد التراجع اللي كان حاصل؟ وهل ده كفاية عشان نحل أزمة الدولار؟ وازاى البنك المركزى قدر يستعيد ثقة العاملين فى الخارج بالقطاع المصرفي؟البنك المركزي المصري أعلن إن تحويلات المصريين في الخارج ارتفعت بشكل غير مسبوق خلال 2024.. وسجلت في شهر ديسمبر لوحده 3.2 مليار دولار.. وده أعلى مستوى ليها من بعد تحرير سعر الصرف.. بالمقارنة بشهر ديسمبر 2023 الرقم كان 1.6 مليار بس، يعني تضاعف تقريبًا.ولو بصينا على النص الأول من السنة المالية 2024-2025 هنلاقي إن التحويلات سجلت 17.1 مليار دولار، بزيادة 80% عن نفس الفترة السنة اللي فاتت.. وده مؤشر قوي إن الثقة في القطاع المصرفي المصري بدأت ترجع وإن في تغييرات بتحصل على أرض الواقع. طب.. ليه فجأة المصريين برا بقوا يحولوا فلوسهم عبر البنوك المصرية وما يلجأوش للسوق السودا زي قبل كده؟هنا لازم نبص على كام حاجة أهماه تحرير سعر الصرف.. لما الجنيه بقى بسعره الحقيقي وفرق السعر بين الرسمي والسوق السودا بقى قليل جدًا المصريين لقوا إن مفيش داعي يحولوا عبر قنوات غير رسمية.. كمان الإجراءات المشددة ضد السوق السودا.. الدولة والبنك المركزي شنوا حملات قوية لضبط سوق الصرف وده خلى الناس تعتمد أكتر على القنوات الرسمية..بالاضافة كمان لارتفاع الفوائد على الودائع الدولارية.. البنوك المصرية قدمت عوائد مغرية جدًا للمصريين اللي عايزين يحتفظوا بالدولار.. فبقوا يحولوا فلوسهم من برا للاستفادة منها. طب ايه تأثير اللى حصل ده على الوضع الاقتصادي فى البلد ؟ارتفاع التحويلات معناه دخول سيولة دولارية أكبر.. وده بيقلل الضغط على الاحتياطي النقدي.. وليدعم قدرة البنوك على توفير الدولار للمستوردين والشركات.. وده معناه إن الأسعار ممكن تستقر أكتر وإن الطلب على الدولار من السوق السودا يقل تدريجيًا.. وده اللي بدأنا نشوفه فعلًا مع انخفاض سعر الدولار الموازي واقترابه من السعر الرسمي. السؤال الأهم .. هل البنك المركزي هيستمر فى طرح أداوت جديدة لجذب اموال المصريين فى الخارج؟المركزي مهتم جدا باعادة الثقة اكتر واكتر فى القطاع المصرفي وبيحاول بكل الطرق يقدم حوافز للمصريين فى الخارج عشان يحولوا فلوسهم من خلال البنوك ويقضي على اى محاولات لعودة المضاربة على سعر الدولار من جديد والحقيقة المركزي حقق نتايج مذهلة فى الملف ده ومستمر فى تحركاته للقضاء على السوق السودا للعملة.
وزير الخارجية والهجرة يلتقي بالمديرة التنفيذية لبرنامج الغذاء العالمي | الأخبار
بعد 3 أيام من المحادثات في صنعاء.. المبعوث الأممي يشدد على عودة الحوار اليمني - أخبار السعودية
حالة الطقس اليوم.. شبورة مائية صباحا وفرص سقوط أمطار خفيفة
6 اتجاهات ألوان لربيع 2025 تنضح بالفخامة والأناقة - الجميع يبدو رائعًا فيها
اعرفها الحين.. خطوات التسجيل في قرعة الحج تونس 2025
بوجلبان يُعلن تشكيل المصري أمام سموحة في ظهوره الأول بالدوري
رجل مباراة الأهلي وطلائع الجيش في الدوري المصري
"الأهلي صبور" تستهدف رفع رأسمال الشركة لـ550 مليون جنيه بنهاية 2025
رابط بوابة الوظائف الحكومية 2025.. طرق إنشاء حساب والشروط العامة للتقديم على الوظائف
بإطلالة أنيقة دنيا سمير غانم تتألق بأحدث ظهور لها (شاهد)
طرد نجم نيوكاسل وغيابه عن نهائي كأس كاراباو أمام ليفربول
أسعار الذهب العالمية تكسر حاجز 3000 دولار للأونصة لأول مرة في التاريخ.. وتوقعات بمزيد من الارتفاع