أكدت المخرجة إيناس الدغيدي أن المنتج محمد السبكي تسبب في هبوط الفن المصري والأفلام الروائية من خلال ما أنتجه من أعمال.
وقالت الدغيدي في مقابلة مع برنامج “العرافة” المذاع على قناة “النهار”: “هو خارج مصر دلوقتي وأنا مبسوطة أنه خارج مصر دلوقت أنا مش من مدرسة السبكي ولا عمري كنت قريبة من مدرسة السبكي مدرسة عملت أفلام وفي ناس بتقول السبكي اشتغل لما كانت السينما واقفة، ولكن من وجهة نظري السبكي كان سبب في هبوط الفن المصري وخصوصا الأفلام الروائية”.
وأضافت: “السبكي ابتدا كويس في الأول وبعدين دخلنا في حتة غريبة جدا دا في أغاني للسبكي في الفيلم وإيفيهات بتتجاب من القهاوي يديها للممثلين ودخلنا في حتة تانية غير الفن”.
وتابعت: “كنت زمان هعمل معاه فيلم كان أظن بتاع الله يرحمه عاطف الطيب وبعد لما مات قالي اعمله وكنت أنا وعلي بدرخان بنحضر الفيلم ولكن في النهاية متعملش، أنا قلت إن السبكي ابتدا كويس وبعدين نزلنا ودلوقتي ابتدوا يعملوا أفلام أنا شفت في الأخر فيلمين أو تلاته للحق مش بطالين أوي”.
وأكملت: “الفنانة أثار الحكيم مشيت خلاص ومش موجودة على الساحة، كل واحد عمل دور في السينما المصرية أكيد اسمه هيبقي موجود ومقلتش أن ملهاش بصمة وهي موجودة ومشكلة آثار مش فنها ولكن ادعائها في موضوعات كانت خارج الفن خالص”.
وواصلت: “كانت واحدة طريق التيار الإسلامي وأن مخها مختلف ودا يعيبها كفنانة لأن أنا النهاردة مش مطلوب مني أني أتكلم عن أي شيء إسلامي ومفروض يبقي بينها وبين ربنا”.
واختتمت: “هي قالت حاجة أنا مبسوطة منها، قالت اللي بوظ السينما المصرية يوسف شاهين وإيناس الدغيدي وأنا مبسوطة أنها حطتني مع يوسف شاهين”.
عاجل| أحمد الشرع لفلول النظام السابق: سلموا أنفسكم وأسلحتكم قبل فوات الأوان
مقررات امتحان شهر فبراير لـ الصف الرابع الابتدائي.. ومواعيد الامتحانات
جماعة الإخوان الإرهابية.. نيران شر أطفأتها وحدة المصريين (فيديو)
تعرف على موعد أذان المغرب في ثالث يوم شهر رمضان 2025
في عيد ميلاده.. كيف أصبح أحمد السقا أيقونة الأكشن في الوطن العربي؟
لجنة "إعمار غزة" بنقابة المهندسين تعقد اجتماعها الأول لوضع استراتيجية عملها
الوزاره المختصة توضح 🔴 جديد وزارة التربية الوطنية الجزائرية اليوم 2024 و موعد بداية الدراسة
رجل مباراة الأهلي وطلائع الجيش في الدوري المصري
عاجل.. جروس يعلن تشكيل الزمالك أمام حرس الحدود في الدوري
الدولار يتراجع أمام الجنيه.. مفاجأة صادمة في الصاغة.. انفراجة بسوق السيارات.. وقرار هام من المركزي