أخبار سارة في ملف الدولار.. البنك المركزي يواصل ضرباته الناجحة

إيه رأيك لو قولتلك إن رصيد مصر من الدولارات زاد فجأة بـ 37.8 مليار دولار في سنة واحدة؟ طب تخيّل إن الرقم كان بالسالب من سنة واحدة بس  والنهاردة بنتكلم على فائض بـ 8.7 مليار دولار..  إزاي حصل الكلام ده؟ وليه صافي الأصول الأجنبية في البنوك قفز القفزة دي؟ وهل ده معناه إن الاقتصاد المصري فعلاً بقى أقوى؟في يناير 2024 صافي الأصول الأجنبية في القطاع المصرفي – يعني البنك المركزي والبنوك التجارية مع بعض – كان في السالب، وبالظبط سالب 29 مليار دولار.. يعني كنا مديونين أكتر ما معانا.. دلوقتي في يناير 2025، الرقم بقى موجب 8.7 مليار دولار.الكلام ده معناه إن الفرق بين اللي كان واللي بقى هو 37.8 مليار دولار زيادة في سنة واحدة لوحده.الرقم ده يخليك تقول إيه اللي حصل؟القفزة دي ما جاتش لوحدها خلينا نقولك حصلت ازاى .. البنك المركزي لوحده زوّد أصوله الأجنبية بـ 23.5 مليار دولار في السنة دي يعني من سالب كتير.. بقى عنده فائض 12 مليار دولار في يناير 2025. . البنوك التجارية كمان مشيوا في السكة دي كانوا في السالب بـ 6.4 مليار دولار في ديسمبر 2024 وقلّصوا السالب ده لـ 3.3 مليار دولار في يناير 2025 يعني زيادة 3.1 مليار دولار في شهر واحد بس.وكده القطاع المصرفي كله زاد بـ 3.5 مليار دولار من ديسمبر ليناير، ودي أعلى زيادة شهرية من مايو 2024.”طب إزاي حصل الكلام ده؟ إيه اللي خلّى الدولارات تتراكم كده؟الحكاية فيها 3 أسباب رئيسية، وهنشرحهم واحد واحد عشان الصورة تبقى واضحة.. أول حاجة: زيادة الموارد من العملات الأجنبية يعني تحويلات المصريين اللي شغالين برا، اللي هما عصب الاقتصاد بتاعنا رجعت تطلع بقوة.. مش بس كده الأجانب بدأوا يشتروا تاني في أدوات الدين الحكومية المصرية زي أذون وسندات الخزانة. . وده خلّى الأصول الأجنبية في البنوك التجارية تزيد بـ 2.1 مليار دولار”تاني سبب: الالتزامات الخارجية للبنوك التجارية نقصت بـ مليار دولار.. يعني الديون اللي كانت على البنوك للخارج قلت، وده ساعد يحسن الميزان.تالت سبب: البنك المركزي نفسه بيشتغل بذكاء.. من ديسمبر 2024 ليناير 2025 زاد أصوله بـ 400 مليون دولار، وده معناه إن احتياطي النقد الأجنبي بقى أقوى، والبنك بيقدر يدير السوق أحسنلو بصينا على الصورة الكبيرة، الـ 37.8 مليار دولار دول مش رقم صغير.. ده معناه إن الجنيه بقى وراه دعم أكبر وإن ثقة المستثمرين سواء المصريين أو الأجانب رجعت تتحسن.. تخيّل معايا، لما كنا في يناير 2024 بنتكلم عن أزمة دولار وسالب 29 مليار، محدش كان متخيّل إن في سنة واحدة نعمل القفزة دي. بس فعلاً السياسات اللي اتاخدت زي تخفيض قيمة الجنيه ورفع الفائدة في 2024 مع العمل على زيادة التحويلات والاستثمارات، بدأت تطلع نتايج.