مش لازم تكون أوفر عشان تتكلم زي الشعبيين

تحدث الفنان آسر ياسين عن ميزة الواقعية في الأعمال الدرامية، مشيرًا إلى أن مسلسل “قلبي ومفتاحه” الذي يشارك فيه خلال الموسم الرمضاني، يتميز بتقديم صورة حقيقية للحياة اليومية بعيدًا عن المبالغة والصخب.

أوضح آسر ياسين خلال لقاء مع برنامج “الراديو بيضحك”، مساء الجمعة، على “الراديو 9090″، أن الصورة النمطية التي تقدم عن المناطق الشعبية في بعض الأعمال تختلف عن الواقع، حيث أضاف: “إحنا بقالنا كذا سنة متعودين إن الدراما اللي بتتكلم عن المناطق الشعبية بتبقى دايمًا بشكل معين، الناس بتزعق أو الكلام بيكون مبالغ فيه، لكن الحقيقة مختلفة. المسلسل ده خلّى كل اللي بيتفرج عليه حاسس إنه شاف المشاهد دي قبل كده، كأنه مرّ بنفس الأماكن وعاش التجربة”.

تابع: “يمكن عشان كده مفيش صخب أو حاجات أوڤر، مش بتكلم عن أي عمل تاني، لكن الفكرة إن ده الطبيعي، لو نزلت الشارع هتلاقي الناس بتتكلم كده”.

نرشح لك: نجلاء بدر: المشاهد الجريئة اتفرضت عليا

أكد “ياسين” أن العمل حرص على تقديم الشخصيات بمنطقية وواقعية، موضحًا: “كل تفصيلة في الشخصيات حقيقية، عزة، ميار، أسعد، الأم، الشناوي، كلهم نماذج موجودة في المجتمع. وده اللي كنا بنسأل نفسنا عليه في كل مشهد، إزاي الشخصية دي هتتصرف في الموقف ده بشكل حقيقي ومنطقي؟”.

أشار إلى أن هذا النهج هو ما يميز أسلوب المخرج تامر محسن، قائلًا: “هو دايماً بيعمل حاجة واقعية جدًا، بيحط شخصياته في مواقف استثنائية ويتركهم ليتفاعلوا بشكل طبيعي، وفي النهاية بيقدم رسالة واضحة من خلال الأحداث”.