كلمات تتر مسلسل “عايشة الدور” لـ دنيا سمير غانم

طرحت القناة الرسمية للفنانة دنيا سمير غانم عبر “يوتيوب” تتر مسلسلها الرمضاني “عايشة الدور”.

تتر “عايشة الدور” جاء من كلمات أيمن بهجت قمر، وألحان عمرو مصطفى، وتوزيع وفواصل موسيقية النابلسي، وجاءت الكلمات كالتالي:

اصحى يا نايم

هحكي عن واحدة بعيالها

قاعدة مرزوعة

عيني على حالها

عايشة ترضي في ده ودي

مش مهم ناقصها إيه

لا وتفضل واقفة على حيلها

أنا بين.. أنا بين طبيخ وتمارين

وعياط صريخ طب أنا فين

أنا عايزة أفوق بقلمين

أنا مين؟.. ليه نايمة قايمة بدورين

أخرتها إيه وبعدين؟

طب عملوا إيه اللي قاعدين

قدري قدري قدري

واقفة جون يا حضري

واسمي إندبندنت

ونفسي أهج وأجري

أنا مين أنا مين

أنا فين أنا فين

جرى إيه.. جرى إيه يا بني آدمين

الفرصة لسة لسة جاية

أنا عايزة شوية أعيشها ليا

مين فينا بتتولد غبية

ده الجاي لعب بالنار

ولا تحلى إلا بالمخاطرة

بنغير نسخة كل فترة

أنا عادي في نفسي كيلو باترا

والكل جايلي بزرار

الناس ولا ليها سيرة

من الأولى للأخيرة

ده كلام واقف في زوري

وهعيش الدور ضروري

رمضان رمضان

رمضان الحلو اللي جانا

رمضان رمضان والكل هيشهد معانا

رمضان رمضان

افطروا واقعدوا واستنانا

ده لسة كمان فيه كمان وكمان

بدأ عرض مسلسل “عايشة الدور” في النصف الثاني من شهر رمضان وهو من بطولة دنيا سمير غانم، محمد ثروت، وسماء إبراهيم، وتأليف كريم يوسف وأحمد الجندي، وإخراج أحمد الجندي.

يعرض مسلسل “عايشة الدور” على قنوات ON في تمام الساعة 6:15 مساءً، والإعادة 11:30 صباحا.

ويعرض عبر منصتي “watch it” و”شاهد”.

يدور العمل في إطار كوميدي، وهو التعاون السابع بين دنيا سمير غانم والمخرج أحمد الجندي. وتدور أحداث مسلسل عايشة الدور، حول شخصية دنيا سمير غانم التي تلعب دور سيدة مطلقة، وتواجه العديد من المفارقات الكوميدية مع تطور الأحداث، والعمل من تأليف أحمد الجندي وكريم يوسف، ومن إخراج أحمد الجندي، وإنتاج أحمد السبكي، العمل يتكون من 15 حلقة.