كلمات أغنية “واحد تاني” لـ محمد عدوية ودبل زوكش

طرحت قناة “MBC مصر” أغنية “واحد تاني” من مسلسل “منتهي الصلاحية” بطولة الفنان محمد فراج، الذي بدأ عرضه في النصف الثاني من دراما رمضان 2025، عبر موقع “يوتيوب”

أغنية “واحد تاني” من كلمات محمد حسني، ألحان إسلام رفعت، وتوزيع كريم جابر

نرشح لك: كلمات أغنية “ياما نفسي أقولك” لـ دنيا سمير غانم

وجاءت كلمات أغنية “واحد تاني” على النحو الآتي:

“الدنيا غاب العدل فيها

واختلت الموازين

فجأة كل صح فيها

بيتفهم بالعكس

والضعيف بيشوف بعينه

شماله يبقى أي يمين

حسبة مش محسوبة صح

وبتتولد من اليأس

مهما تندم مش باقيلك

باب ندم مردود

النجوم لرجوعك أقرب

والطلب مرفوض

هي دي الدنيا وقانونها

اللي أنت مافهمتوش

مجبر إنك تبقى واحد تاني ما اخترتوش

شوف كنا فين وبقينا فين

زي ما سعيت أنا لقيت

لازم تعرف الجنيه بيجيب جنيه

وأن لو في حد راح متجيش عليه

زي ما بعوز أعيش أنا بعيش

عمري ما سلمت والدنيا تشهد

دنيا زي مولد إحنا درويشها

ولما الدنيا بتناكشنا بناكشها

الشيطان هو اللي سايق

ماسك التارة

و اللي هيسلم له سهل تحركه

اشارة

و اللي راهن مش فارقله

اصله باصص تحت رجله

والرهان جمع مكاسب

بس كانت جمعها خسارة

الناس من قلة الفلوس

فيك يا عيب

الناس مبتفكرش

القرش منين تجيبه

حلال او حرام

المهم يكون في جيبه

لو معيوب تداري عيبه

لو مفيش الناس تسيبه

بقينا في زمن

الناس حابة الحرام

بشر بتعبد الجنيه

زمن الاصنام

ساعات بحس ان انا

عندي انفصام

اوقات بكون شبههم بضطر اكون شيطان

مسلسل “منتهي الصلاحية” من بطولة الفنان محمد فراج والفنانة هبة مجدي وياسمين رئيس وحسن مالك ودنيا ماهر ومحمود الليثي وخالد سرحان وجاسيكا حسام وتامر نبيل، من تأليف محمد هشام عبية وإخراج تامر نادي.