ايه اللي هيحصل في سعر الفايدة بعد قرار المركزي المصري الأخير بتثبيتها وايه توقعات القرارات الجاية للجنة السياسة النقدية وليه الخفض جاي جاي وايه هيحصل بعد الخفض وليه عز العرب شايف إن الفايدة لازم تنزل. زي ما احنا عارفين لجنة السياسة النقدية في البنك المركزي المصري قررت تثبت سعر الفايدة في اجتماعها الخميس اللي فات ودا فتح باب كبير للتساؤول حولين معاد خفض الفايدة وفيه كتير من الخبراء رجحوا بداية التخفيض من النص التاني في 2025 وشايفين إنه المركزي هيلجأ للخفض لأسباب كتير..طيب إيه الاسباب اللي هتخلي المركزي يخفض سعر الفايدة؟في الاول لازم نكون عاارفين إن تحديد سعر الفايدة على الايداع والاقتراض بيكون مرهون بمؤشرات كتير أهما معدلات التضخم والاسعار في الاسواق ولو المعدلات دي عالية المركزي هيضطر يسيب سعر الفايدة عالي أو يرفعه تاني ودا عشان يغري اصحاب المدخرات واللي معاهم سيولة مالية زيادة للاستثمار في البنوك وتقليل الطلب على شراء السلع والوضع الحالي بيقول إن معدلات التضخم لسه منزلتش بالمعدل اللي المركزي بيهدف ليه لكن المؤشر في اتجاه نزولي حسب البيانات الاخيرة ودا معناه إن خفض الفائدة مجرد وقت. طيب ليه القطاعات الاقتصادية في انتظار تخفيض الفايدة؟السؤال دا جاوب عليه المصرفي المخضرم هشام عز العرب رئيس مجلس إدارة البنك التجاري الدولي – مصر واللي اتوقع انخفاض معدل التضخم في مصر إلى حوالي 15% في أبريل أو مايو 2025، وهيوصل إلى 13% بنهاية 2025.وإن البنك المركزي المصري ممكن يبدأ في تخفيض أسعار الفايدة ولكن بشكل متوازن وطبيعي للحفاظ على عائد إيجابي على العملة المحلية وإن دا بيستدعي خفض أسعار الفايدة لتكون إيجابية بنسبة 4% فقط بدلا من 14% مستهدف.. وعز العرب شايف إن الفائدة المرتفعة بتعيق النشاط الاقتصادي ما يجعل خفضها خطوة ضرورية لدعم الاستثمار والنمو. يعني ببساطة لما الفايدة تنزل الشركات والافراد هيقبلوا على الاقتراض بشكل كبير ودا هينشط القطاعات الاقتصادية كلها وفي نفس الوقت هيخفض أسعار المنتجات والخدمات للشركات دي وعلى سبيبل المثال شركات التطوير العقاري والانشاءات جزء كبير منها بيعتمد بشكل شبه كلي على الاقتراض لعمل المشروعات ولو الفايدة عالية دا بينعكس على أسعار الوحدات وفي نفس الوقت الشركات هتضطر تقلل من عمل المشروعات وهكذا في كل القطاعات التانية وحتي على مستوى المشروعات الصغيرة اللي بيعملها الشباب وبتعتمد على التمويل البنكي والاقتراض فلو نسبة الفايدة نزلت دا هينشط قطاع المشروعات الصغيرة بشكل كبير بجانب التوسعات الصناعية والخدمية اللي بتعتمد على الاقتراض.. يعني باختصار العجلة هتدور في الاقتصاد بشكل أسرع بكتير من دلوقتي.
تدشين مشروع مراقبة وضبط مخالفات مصادر المياه واستخداماتها - أخبار السعودية
بيقدر الممثلين ولديه رغبة في النجاح
تواصل فعاليات مؤتمر العُلا لاقتصادات الأسواق الناشئة لليوم الثاني
طالب مصري يقاضي رئيس الشركة الفرنسية بعد اتهامه بتدبير هجوم سيبراني على X
السيسى يؤكد أهمية دعم الاتحاد الأوروبى لاستعادة الهدوء وتحقيق الإستقرار وإقامة دولة فلسطينية
مسئول بوزارة المالية يكشف تفاصيل مهمة عن حزمة التيسيرات الضريبية لتشجيع الاستثمار في مصر
تحديث أسعار ياميش رمضان 2025 في هايبر وان – عروض رمضان المميزة – موقع زيادة
مسلسل «80 باكو» لـ هدى المفتي.. مواعيد عرض الحلقة الرابعة والقناة الناقلة
الرقابة المالية تطور قواعد الشطب الاختياري للأسهم المقيدة في البورصة
ضبط خمسة أطنان من الدواجن الفاسدة داخل مستودع في الأحساء
لا تتجاهلها- 5 علامات تخبرك بأنك تفرط في ملح الطعام
من الفتى الحالم إلى طبيب عالمي.. حكاية النجاح الذي خطّه القدر