طارق السيد: دوري سيد عبدالنعيم الأصعب.. وفي هذا التوقيت كنت شامم رائحة الدوري
طارق السيد: دوري سيد عبدالنعيم الأصعب.. وفي هذا التوقيت كنت شامم رائحة الدوري
علق طارق السيد نجم نادي الزمالك السابق على تتويج فريقه بلقب بطولة الدوري المصري بعد صراع كبير مع الأهلي وبيراميدز حتى الجولة الأخيرة.
قال طارق السيد في تصريحات إذاعية: «الزمالك بطل واسم الزمالك هيفضل يسكت أي حد في ظل الظروف الصعبة وأفضل ميزة هذا الموسم أن كل ولاد النادي كانوا بيدعموا الفريق والناس كلها جنب».
وتابع: «الزمالك عامل زي عفريت العلبة الناس كلها بتحارب النادي عشان يوقعوا الزمالك، وبكل صراحة كنت شامم رائحة الدوري من أول ما معتمد جمال تولى قيادة الفريق».
طارق السيد: نبكي مع الزمالك في الفرح والحزن
وأكمل: «الزمالك وقت ما بيفرحنا بنبكي ووقت ما بيزعلنا بنبكي مش أي حد يعرف يشجع الزمالك ، وكان ناقصنا حاجة واحدة بس في مباراه اتحاد العاصمة الجزائري بالكونفدرالية إننا نلعب بروح في الملعب أكتر من كدة مثل مباراه سيراميكا».
دوري سيد عبد النعيم
وأردف: «أنا حضرت دوريين كانوا الأصعب في تاريخ الزمالك دوري سيد عبد النعيم و دوري السنة دي طبعا من أصعب الدوريات لكن أصعب دوري هو دوري سيد عبد النعيم عشان كان فرق 12 نقطة وبدأنا نتسحب ورا الأهلي».
وأشار إلى أن الأمر اختلف مع معتمد جمال مدرب الزمالك الحالي: «مع معتمد جمال الموضوع كان مختلف لأن معتمد لم اللاعبين والجمهور من ساعة ما رفع صور رموز النادي كأنه جرس تنويه وساعتها كل حاجة اتغيرت مفيش جمهور تاني يقدر يحس بالحاجات دي لأن حدوته الزمالك صعبة».