أفشة: النادي الأهلي هيفضل رقم واحد.. وسيعود لحصد البطولات
أفشة: النادي الأهلي هيفضل رقم واحد.. وسيعود لحصد البطولات
أعلن محمد مجدي أفشة، صانع ألعاب النادي الأهلي، عن انتهاء فترة إعارته رسميا مع الاتحاد السكندري، والعودة إلى صفوف ناديه الأصلي، مؤكدا أن القلعة الحمراء ستظل دائما خياره الأول والأساسي ومنطلق طموحاته لحصد البطولات.
أفشة: الأهلي بيتي وسيعود لمنصات التتويج الأفريقية والمحلية
وقال «أفشة»، في تصريحات تلفزيونية: «أنا كده كده راجع النادي الأهلي، ده بيتي وهيفضل كبير، والنادي الأهلي هيعود السنة الجاية بكل حاجة حلوة وبكل البطولات والإنجازات، الأهلي بالنسبة لي هيفضل رقم واحد، وإن شاء الله راجع الأهلي، وكل حاجة هترجع للأهلي تاني زي ما هي».
وكشف اللاعب، عن مكاسبه الفنية والشخصية الشديدة من تجربة الإعارة القصيرة التي استمرت لنحو 4 أشهر بنادي الاتحاد السكندري، معتبرا إياها المحطة الحقيقية وطوق النجاة الذي أعاده لمستواه الفني والبدني المعهود بعد فترة صعبة: «أنا مبسوط إن أنا لعبت هنا أربع شهور هيفضلو من أحسن أيام حياتي، رجعت مكنتش بلعب بشكل كبير في الأهلي، رجعت لعبت هنا ورجعت المستوى الطبيعي ولعبت وأديت بشكل كويس.. عايز أشكر اللعيبة كلها، عايز أشكر الجهاز الفني».
استعادة البريق الفني والجاهزية لتحديات الجزيرة
ونجح محمد مجدي أفشة في التخلص من أجواء دكة البدلاء، التي عانى منها طويلا في الجزيرة خلال الفترات السابقة، واستعاد حساسية المباريات والمشاركة الأساسية المتتالية.
واختتم أفشة تصريحاته بتوجيه رسالة مباشرة لرئيس النادي محمد سلامة، بضرورة التحرك القوي والتجهيز المبكر للموسم الجديد.
وأشاد اللاعب بمشجعي الإسكندرية: «جمهور الاتحاد دايما بسمع عنه من وأنا صغير، لكن عمري ما شوفت، لكن لما جيت ستاد إسكندرية وشوفت الجماهير، لأ.. جمهور مرعب، جمهور بيحب النادي، جمهور عايز النادي في مكانته الطبيعية، وأنا بشوف إن الاتحاد السكندري لازم الاستاذ محمد سلامة يتعب السنة الجاية، لازم يكون فرقة محترمة، لازم يجيب مدير فني كبير أو الكوتش الحالي لو موجود مكمل إن شاء الله.. لكن الاتحاد يستحق مكان أحسن من كده».