حازم إمام يكشف عن كواليس جديدة في أزمة جدو الشهيرة مع الزمالك
حازم إمام يكشف عن كواليس جديدة في أزمة جدو الشهيرة مع الزمالك
استعاد حازم إمام نجم الزمالك السابق ذكريات الأزمة الشهيرة في انتقال محمد ناجي جدو مهاجم منتخب مصر السابق إلى الأهلي، ودخول الزمالك طرف في الأزمة وقت تواجد الثعلب الصغير كعضو مجلس إدارة للقلعة البيضاء.
كواليس أزمة جدو مع الزمالك والوصول إلى النيابة
وقال حازم إمام، في تصريحات تليفزيونية: «أنا اتحطيت في الصورة والمشهد رغم أني والله مش أنا لوحدي، بس أنا اللي اتحطيت في الصورة.. في القعدة دي كان حسام وإبراهيم برضه، وعمري ما تم اتهامي بالتزوير زي ما حاول يصور البعض، الكلام ده ما حصلش، ده كلام سوشيال ميديا».
وواصل عضو مجلس إدارة الزمالك السابق تصريحاته قائلا: «أنا قابلت جدو في دبي، وشرح لي الموقف، وبصراحة أكبرت الموقف اللي عملته، إنت تعاملت بضمير، وفي إنسانية، وما كنتش مع اللاعب ضد النادي».
وأشار: «المشكلة عارف إنت إيه؟ دلوقتي الكلام ده من 10 أو 15 سنة، والدنيا هادية. ساعتها إنت مش متخيل الضغوط كانت عليك عاملة إزاي، كبني آدم وإنت بتقول حاجة ضد مصلحة ناديك وإنت في مجلس الإدارة.. كنت لسه مبطل، وكان لازم أقول حق ربنا الموضوع ده عايز أقول لك فيه حاجة برضه، من فكرة الصحافة واللفة دي. الكلام ده طلع بقى له خمس سنين كده، ابتدوا يزيدوه أوي، أو من 3 أو 4 سنين، لما دخلت اتحاد الكورة وبقيت مسؤول.. ابتدت الناس تفتح عايزين يطلعوا إن حازم وحش».
واختتم: «أنا كنت في المجلس سنة 2018، وعمر ما حد كتب «حازم مزور» دي في قصة جدو، لما بقيت مسؤول شوية أكتر، ابتدت الناس تقول لك: «أصل حازم بيحب الزمالك»، و«فتح المعسكر للزمالك»، فابتدت لجان تطلع وتوجه إن حازم إنتوا فاكرينه إيه لا ده مزور.. ابتدوا يطلعوا فكرة التزوير دي من 3 أو 4 سنين، ما كانش حد بيقولها قبل كده والموضوع».