ميدو يرد على تصريح محمد صلاح بشأن «التضحية بشبابه»
ميدو يرد على تصريح محمد صلاح بشأن «التضحية بشبابه»
رد أحمد حسام ميدو نجم منتخب مصر السابق على تصريحات محمد صلاح بشأن ما قاله حول التضحية بشبابه خلال فترة انطلاقته في أوروبا وبالتحديد في الدوري السويسري قبل الانتقال للدوري الإنجليزي.
وكتب ميدو عبر حسابه بموقع التواصل الاجتماعي إكس: «أكبر تضحية هو إنك يكون عندك القدرة المادية والجسدية والشهرة وكل الناس تتمنى تبقى حواليك وأنت تختار إنك تقفل على نفسك وتنام بدري وتاكل أكل صحي وكل أصحابك رايحين الساحل يتبسطوا وأنت طالع في الصيف معسكر فترة إعداد مع فريقك ده غير الضغط العصبي والنفسي الكبير اللي بيقع عليك من الجمهور والاعلام لانك نجم الفريق ومطالب انك تكسبه كل اسبوع غير كده ماحدش هيسمي عليك».
أكبر تضحية هو انك يكون عندك القدرة المادية والجسدية والشهرة وكل الناس تتمنى تبقى حواليك وانت تختار انك تقفل على نفسك وتنام بدري وتاكل اكل صحي وكل اصحابك رايحين الساحل يتبسطوا وانت طالع في الصيف معسكر فترة اعداد مع فريقك ده غير الضغط العصبي والنفسي الكبير اللي بيقع عليك من الجمهور…— Mido (@midoahm) May 29, 2026
وتابع: «هو ده اللي كان يقصده محمد صلاح بانه ضحى بشبابه.. الحياة اختيارات وقرارات و صلاح قرر إنه يعيش للكورة وربنا كرمه أخر كرم لإنه تعب وضحى وكان راجل بار بأهله وأكرم كل الناس اللي حواليه.. كلنا لازم نتعلم من صلاح كل شباب مصر لازم يحطوا صلاح قدامهم ان مفيش حاجه اسمها مستحيل».
وكان محمد صلاح أكد بأنه ضحى بشبابه ولحظات معينة في حياته قائلًا: «“ضحيت بشبابي، ومفيش أكتر من كدة والموضوع كان صعب أوي والناس يمكن مشافتش دا، وإنك تضحي بلحظات شبابك علشان تفضل كويس وتتمرن 3 مرات شيء مش سهل».
