«إنتوا بتفهموا أكتر من برشلونة؟».. ميدو ينتقد مهاجمي حمزة عبدالكريم
«إنتوا بتفهموا أكتر من برشلونة؟».. ميدو ينتقد مهاجمي حمزة عبدالكريم
علق أحمد حسام ميدو نجم الزمالك والمنتخب الوطني الأسبق على الهجوم ضد حمزة عبدالكريم مهاجم «الفراعنة» المشارك في كأس العالم حاليا، بعد قرار برشلونة تفعيل بند شراء عقد اللاعب من النادي الأهلي، مقابل مليون ونصف يورو.
ميدو ينتقد مهاجمي حمزة عبد الكريم
وكتب ميدو عبر حسابه على منصة «إكس»: «بصراحة مش فاهم ليه في ناس بتحاول تهد ثقة ولد مشروع مهاجم كبير زي حمزة عبد الكريم ده شاب محتاج مننا كلنا إن إحنا ندعمه ونساعده، لازم كلنا نبقى فرحانين بيه ونوصله الفرحة دي، بدل ما نقول ليه الدوشة اللي معمولة حواليه من غير داعي.. دوشة إيه؟ لاعيب مصري شاب خريج المنتخبات الوطنية برشلونة مقتنعين بيه ودفعوا فيه فلوس، وهينضم لمعسكر الفريق الأول في فترة الإعداد، بلاش إحنا مابنفهمش إنتوا بتفهموا أكثر من برشلونة؟».
ميدو يروي قصة انضمامه لمنتخب مصر
وروى ميدو قصة انضمامه للمنتخب الوطني تحت قيادة الراحل محمود الجوهري: «عندما ضمني كابتن محمود الجوهري لمنتخب مصر في عمر 17 عام فقط اعترض الجميع وأحد المحللين بين شوطي مباراة الإمارات الأولى لي دوليا انتقد قرار ضمي، وقال بالنص مين ميدو ده؟ هو أي عيل صغير يسافر ينضم للمنتخب؟ الشوط الثاني أحرزت أول هدف دولي لي وبعد المباراة نفس الرجل قال مش معنى إنه إحرز هدف إن قرار ضمه صحيح».