ميدو يطمئن الجماهير بعد تعرضه لجلطة خفيفة: اللي بيحصل درس لينا كلنا
ميدو يطمئن الجماهير بعد تعرضه لجلطة خفيفة: اللي بيحصل درس لينا كلنا
طمأن أحمد حسام ميدو نجم نادي الزمالك السابق، محبيه بعد تعرضه لجلطة خفيفة بسبب الأزمة التي يمر بها نجله، قائلا: «بطمن الناس كلها، أنا النهارده أحسن، بشكر كل اللي سأل عليا، من أول أزمة ابني وأنا متماسك ومؤمن وعندي إيمان كبير جدا بربنا إن ده ابتلاء وربنا دايما عايز لينا الخير، وربنا عنده خطة لينا أحسن من اللي بنتصورها».
ميدو: متماسك رغم أي ظروف
وأضاف ميدو في تصريحات تلفزيونية عقب الخروج من المستشفى: «أنا متماسك عشان أوصل رسالة إن رغم أي ظروف صعبة لازم تنزل شغلك لأن الشغل حاجة مقدسة، امبارح كان عندي أمل يقبلوا الاستئناف الخاص بالحكم والعقوبة تتخفف على ابني، لكن بحترم القضاء وراضيين بحكم ربنا، ده درس ليه ودرس لينا كلنا بنتعلم منه، ومتأكدين إنه هيطلع من الأزمة أقوى وأحسن».
تفاصيل ما بعد صدور الاستئناف
وأكمل: «وقت صدور الحكم رجعت للبيت وحسيت بتعب حاولت مظهرش ده، بس التعب زاد نبضات قلبي زادت وصدري مكنتش قادر، روحت المستشفى والضغط كان عالي واتحجزت، ولما حسيت إني اتحسنت قررت أرجع البيت، حسين لما عرف إني تعبان تعب نفسيا».
وأوضح: «للأسف حسيت بتعب جامد، طلبت الدكتور وجاء لي المنزل، طلب أشعة على المخ عملتها طلع فيه جلطة خفيفة، وأخدت أدوية عشان إزالة الجلطة، لكن أنا أفضل دلوقتي الحمد لله».