البطولة: الصدارة شاعلة فيها العافيا ورجعو لها الماص وليفار

گود سبور//

تبدل ترتيب صدارة البطولة الاحترافية لكرة القدم، بعدما سالات الدورة 20 اليوم الاحد، والتنافس عليها شعل ما بين 5 الفراقي وهما المغرب الفاسي والجيش الملكي اللي رجعو للمركز الأول، والرجاء الرياضي والوداد الرياضي ونهضة بركان.

اقرأ أيضاً

رياضات الكترونية

خطوة جديدة إلى الأمام للرياضات الإلكترونية في جنوب شرق آسيا.

وقدرو المغرب الفاسي يرجعو لصدارة البطولة، بعدما استغلو خسارة الرجاء الرياضي فالديربي مع الوداد الرياضي، وحيث الماص ربحو اتحاد التواركة اليوم الاحد فالرباط بنتيجة واحد لزيرو، اللي ماركاه لهم حمزة ايت علال فالدقيقة 68، الماص بهاد الرباح ولى رصيدهم 41 نقطة.

وفريق الجيش الملكي، قدرو يتقاسمو الصدارة مع الماص برصيد 41 نقطة، بعدما ربحو  حسنية أكادير فأكادير بنتيجة 3-2، وسجل الهدف الأول د ليفار لاعبهم خفيف فالدقيقة 7، وماركاو الحسنية التعدل بواسطة العبد فالدقيقة 9، ورجع خفيف وماركا الهدف الثاني د ليفار فالدقيقة 41، والحسنية رجعو ماركاو التعادل بواسطة كابرال فالدقيقة 42، وقدر ربيع حريمات يخطف هدف الرباح للفريق العسكري فالدقيقة 90 من بينالتي. والحسنية عندهم 21 نقطة ومحتلين المركز 11.

شاهد أيضاً

رياضات الكترونية

الاتحاد يتوَّج ببطولة النخبة للملاكمة في الغربية والجنوبية » صحيفة الرأي الإلكترونية

ونهضة بركان راه ربحو النادي المكناسي بنتيجة واحد لزيرو فمكناس، وماركا لهم هدف الرباح بول فاليري باسيني فالدقيقة 15، وولات عند بركان 37 نقطة ومحتلين المركز الخامس.

وكانو الرجاء الرياضي هما اللي متصدرين البطولة قبل الدورة 20، وبعدما الفريق خسر فهاد الدورة ماتش الديربي مع الوداد الرياضي تراجع للمركز الثالث برصيد 39 نقطة، والوداد محتلين المركز الرابع برصيد 37 نقطة.