البطولة غادي تبقى ملعوبة حتى تسالي واخا المونديال
گود سبور//
ما غاديش تحبس البطولة الاحترافية، للموسم الرياضي 2025-2026 حتى تسالي، واخا كاين كاس العالم 2026 الصيف الجاي ابتداء من 11 يونيو.
اقرأ أيضاً
ووافقو الاتحاد الدولي لكرة القدم على طلب الجامعة الملكية المغربية لكرة القدم، باش تبقى البطولة الاحترافية ملعوبة حتى تكمل بشكل استثنائي، وهاذ الشي واخا غادي يكون كاس العالم فالميريكان وكندا والمكسيك، ولكن توقيت ماتشات البطولة ما غاديش يكون مع توقيت ماتشات المونديال.
ومعطلة البطولة الاحترافية هاذ الموسم بزاف ويالاه وصلت للدورة 16، وهاذ الشي بسبب توقف لمدة شهرين تقريبا بسبب مشاركة المنتخب المغربي فكأس العرب واستضافة كأس إفريقيا 2025 فالمغرب، إضافة إلى فسح المجال للأندية المشاركة فالمسابقات الأفريقية باش تلعب الماتشات ديالها.